Resson d'Oc

Resson d'Oc vos desira un bon Nadal e vos balha rendètz-vos a la dintrada de genièr

Resson d'Oc vous souhaite un joyeux Noël et vous donne rendez-vous à la rentrée de janvier. En attendant, je vous fais suivre le cadeau posté par la Chambra d'Oc, l'association de défense de l'occitan dans les vallées italiennes, dans sa dernière lettre d'information. Il s'agit du fichier mp3 de «Chut, chut, l'enfant dorm», un noël gascon très amusant. Les personnages de la crèche, à tour de rôle, accourent pour fêter la naissance de Jésus. Mais Joseph veille et les fait taire : «Chut, chut, l'enfant dorm, non fasiatz pas bruch.» L'enregistrement est tiré de Mistèri de Nadau, un double album de la Pastorale gasconne de Noël en vente sur le site de l'Institut occitan d'Aquitaine (20€).

Téléchargement 000406.Chut chut

Turbòfòlk, l'energia trad ròck festiva e tribala de Brick A Drac

Vos presenti uèi Turbòfòlk, l’album novèl del grop avaironés Brick A Drac espelit en 2003. Los sieis musicians, Mathieu Fantin, Arnaud Cance, Céline Palous, Arnaud Bersez e Richard Vergnes faguèron «una pacha amb lo Drac» per ofertar nos un coctèl neo-occitan que mescla las inspiracions tradicionalas menadas per la sansònha amb la ritmica ròck, festiva e tribala. Un disc de 17 titols, per festejar e dançar. Vos prepausi çai-jos una pichona videò que mostra plan l’energia del grop sus l’empont. Extrachs d'escotar e bon de comanda aicí.

BRICK A DRAC Tournée "Turbofolk" 2009
envoyé par hurdyGurdyMath. - Clip, interview et concert.

 

Texte en français dans la suite de la note.

Ensajatz lo karaoccitan en cantar La libertat

Parfois on connaît la musique mais on n'a pas les paroles. Ou bien on a oublié l'air. Grâce à certains d'entre vous qui ont posté sur Youtube ou Dailymotion, le problème est résolu. Il n'y a pas mieux pour réviser et pour se familiariser avec les différents dialectes de l'occitan et c'est un moyen de socialisation de la langue imparable. Premier volet de cette série karaoccitan, Le libertat, mise en ligne par Big Stecky, un hymne à la liberté en provençal chanté par Lo Còr dau lamparo. Je mets dans la suite de la note l'explication et la traduction proposées par le Creo de Miègjorn Pirenèus. Endavant ! Il n'y a plus qu'à chanter.

 

De cara al temps, un recuelh poètic d'Andrieu Lagarda

L’Institut d’estudis occitans d’Aude acaba de publicar De cara al temps, un recuelh poètic d’Andrieu Lagarda, dins la colleccion Vendémias. L’autor, plan conegut dels amoroses de la cultura occitana, es nascut a Belestar (Arièja) en 1925. Professor, pedagògue, cronicaire, reviraire (notadament de la Letras de mon molin, d’Alphonse Daudet), publiquèt fòrça contes. Vaquí çò que ditz de la poësia, sul siti de l’IEO Lengadòc : «Per ieu, es un exercici essencial. Es per ela que me descobrissi, que me revèli a ieu-meteis, que se desvela mon èime prigond. Per venir çò qu’òm es, cal conéisser son si.»

• Andrieu Lagarda, De cara al temps, IEO Aude, colleccion Vendémias, 10 euròs. Per o crompar.

De corses d'occitan per que los emplegats dels ostals de retirada de Dordonha pòscan acompanhar los malauts d'Alzheimer

L’Amassada, conselh de desvolopament per la lenga occitana dins la region Aquitania a pres una iniciativa originala dins lo sector de l’acompanhament de las personas vièlhas. Prepausarà en 2010 una formacion en occitan per los emplegats dels ostals de retirada de Dordonha, per que pòscan crear una relacion mai estrecha amb los pensionaris que la lenga mairala es l’occitan, fòrça nombroses dins aquel despartament. Podrià èsser una ajuda vertadièra dins la curada de malautias coma la d’Alzheimer o per lo manten de l’autonomia. La formacion compren 70 oras de corses que començaran tre la 19 de genièr 2010, fins al mes de junh (un vèspre casa setmana), en primièr a Champcevinel. Se l’esperiment es concusissent, s’espandirà a d’autras vilas.

 

Traduction française dans la suite de la note.

Signatura d'una convencion sus la lengas regionalas entre la region Lengadòc Rosselhon e lo rectorat de Montpelhièr

Aprèp Miègjorn Pireneus a la debuta del mes, la region Lengadòc Rosselhon e lo rectorat signeron lo 14 de decembre una convencion per desvolopar e organisar mai l’ensenhament de l’occitan e del catalan dins l’academia de Montpelhièr.

Se tracha de :

• melhorar l’oferta d’aquestas lengas dins l’ensenhament tant public coma privat, de la mairela fins a la terminala,
• coordenar las accions d’informacion de las familhas, d’edicion e d’animacion pedagogics,
• elaborar una esquema de desvolopament dins l’an que ven.

Traduction française dans la suite de la note.

Lo festenal Laurent Cavalié 2009 contunha amb la sortida de Sòli Solet

De la debuta a la fin, l’annada 2009 es estada l’annada Laurent Cavalié. I aguèt Fraternitat de Du Bartas en mai, A l’Agacha de la Mal Coiffée en setembre, e ara Sòli Solet (Sirventès/L’Autre distribution), son primièr album, fruch d’un espectacle solitàri sonque accompanhat de son accordeon, ja jogat 200 còps. Una votz, un accordeon, per un viatge al païs del cant tradicional occitan, mas receclat, amb de ritmes novèls e d’influéncias mestissadas caractièrs del biais Cavalié. Traparetz aicí d’extrachs d’escotar.

Laurent Cavalié "solet" à Portel
envoyé par JordiMat. - Clip, interview et concert.

Eric Besson anoncia que lo govèrn vòl pas una lei novèla sus las lengas regionalas

En respondre a una question de la deputada de la Gironda Martine Faure a l'Assembada nacionala dimars 8 de decembre, lo ministre de l'Identitat nacionala Eric Besson anoncièt que lo govèrn «se questionava sus la pertinéncia d'una intervencion legislativa de mai» sus lo subjècte de las lengas regionalas. Aquò vòl dire que la lei promesa l'an passat serà pas prepausada al vòte del Parlament, almens dins l'immediat. Afar de seguir... Vos prepausi lo compte rendut integral del debat que se debanèt dimars.

Lo quiz del mes : 10 questions sus la geografia occitana de respondre en linha

Comenci uèi una rubrica novèla e jogarèla sus Resson d'Oc. Vos prepausi de jogar en linha en respondre a de quiz mesadièrs (en occitan plan segur). Cada questionari de dètz questions serà tematic (musica, literatura, istòria, geografia...). Mèfi ! I a pas res que ganhar, aquò's pas que per lo plaser. Sètz prèsts ? Alavetz comencem amb una pichona virada de la geografia occitana.

Dimenjada de fèsta per los trenta ans de La Talvera

L’associacion Cordae/La Talvera foguèt creada en octòbre de 1979 a Còrdas (Tarn), fa tot-bèl-just trenta ans. Dempuèi son espelisson, aqueste Centre occitan de recèrca, de documentacion e d’animacion ethnograficas (çò que vòl dire Cordae) òbra a la conservacion e a la difusion del patrimòni cultural occitan, en publicar de libres e de discs, en organisar de mòstras, de collòcs, d’estagis… Trenta ans, o calià celebrar ! Aquo’s perque l’associacion balha rendètz vos a sos amics del 18 al 20 decembre per una dimenjada de fèsta a Castelnau de Montmirail e Lo Garric (Tarn). Velhada, concèrts (Lo Còr de la Plana, Moussu T e lei Jovents, La Talvera, Lambrusquèra…), taula redonda, mòstra, lo program est plan ric e festiu. Bon aniversari La Talvera !

Program complet dins la seguida d'aqueste article.