Resson d'Oc

Los Invisibles, l'epopèa vertadièra de Bernat d'Audijòs en benda dessenhada revirada en occitan

D’en primièr, Los Invisibles es una benda dessenhada en francés, pareguda çò de Futuropolis l’an passat, que conta l’istòria vertadièra de Bernat d’Audijòs, que fòrmèt al sègle XVII una armada de rebèls, los invisibles, entà luchar contra una talha novèla, la gabela. Aquela epopèa se debanèt per las Lanas, region que nasquèt e que viu lo jòve autor, Jean Harambart. Era fòrt logic (e urós !) que l’editor d’Ortés (Pireneus Atlantics) Per Noste ne prepause una revirada occitana. Aquó’s fach, mercés a Clara Saint-Palais. La benda dessenhada de 190 paginas se ditz Los Invisibles se pòt crompar sul siti de Per Noste (19 euròs).

Eths Erbejaires, un documentari en gascon sostitulat en francés d'ofertar per Nadal

Dins sa darrièra letra d’informacion, l’Ostal Comengés, que son sèti es a Montrejau (Garona Nauta), balha una idèa de la bonas per Nadal : podètz crompar lo DVD produch per l’Ostal tà l’ofertar a vòstres amics. S’agis d’Eths Erbejaires, un documentari de 23 minutas sus la fenason dins la val del Arbàs (Pireneus comengés) que balha la paraula als pageses pirenencs. Lo DVD en gascon es sostitulat en francés. Foguèt filmat en partenariat amb las associacions Nosauts de Bigòrra e Mémoire de l’Arbas. De senhalar : Eths Erbejaires serà presentat dissabte que ven 12 de decembre a la fèsta de la calandreta de Bertren (Pireneus Nauts).

• Eths Erbejaires, 23 minutas. Prètz : 15 euròs (mai 2,30 euròs de pòrt). Per o comandar : [email protected]

Traduction en français dans la suite de la note

Un concors d'escritura en gascon dobèrt a totes

L’associacion culturala Aci Gascohha organisa son 19en concors d’escritura, amb lo sosten de las vilas d’Anglet, de Baiona, de Tarnòs, del Conselh General dels Pirenèus Atlantics, de l’Institut Occitan e de l’Academia Gascona. Es dobèrt a totes, dins cinc categorias (la presentacion parla de sièis mas n’ai pas vist que cinq dins lo reglament). Las òbras presentadas — poesias, contes o novèlas —, originalas e ineditas, dévon èsser escrichas dins un parlar gascon e mandadas a Aci Gasconha (19 Carrièra dels Quatre Cantons, 64600 Anglet) abans lo 3 de mai de 2010. Totas las grafias son aceptadas (mas la classica es desirada). La remesa dels prèmis se debanarà a Tarnòs lo 19 de junh de 2010. Traparètz aicí lo reglament del concors. L'associacion Aci Gasconha vòl promòure et desvolopar la practica del gascon notadament dins las vilas de Biàrritz, Anglet e Baiona e dins la Val d’Ador.

• Entresenhas : 05.59.03.34.78 ; [email protected]

Joanda balha una dimension pop a la musica occitana

I aviá lo cant tradicional mai o mens modernisat, la coralas, las polifonias, i aviá lo rap e lo ragga. Ara vaquí la pop occitana. Joanda es un jòve autor e cantaire besierenc, tanben professsor d'occitan. Son darrièr disc, Register, es paregut la prima passada. «Los tèxtes, modèrnes a de bon, arramban d’unes subjèctes contemporanèus e universals, inspirats notadament per la rica istòria occitana, demest la desirança de viure d’a fons çò que sèm e las rotas liuras que se descobrisson a cada pas», explica lo siti del cantaire. Sorgas d'inspiracion : Zapata o Pablo Neruda, mas tanben l'istòria personala de Joanda. De senhalar, la represa de Lo país que vòl viure, de Claudi Marti, cantat amb Claudi Marti. Ai trapat sus Dailymotion una vidèo de la Oèbtelevision locala Ecran Local ont Joanda presenta l'album.

MUSIQUE : JOANDA
envoyé par Ecranlocal. - Clip, interview et concert.

Las vaissas avián folhat, lo novèl roman del Carladès Fèliç Daval

L’Ostal del libre d’Orlhac (Cantal) acaba de publicar dins la colleccion Racontes Las Vaissas avian folhat, un roman en occitan de Fèliç Daval professor e escrivan originari del Carladès. Aquò’s la seguida de son primièr libre, Les fraisses èran tombats, cronica d’un vilatge de la montanha cantalesa pareguda çò del meteis editor. Vaicí lo porgiment que ne fa L’Ostal del libre : «un raconte polifonique, ont los dialògues son nombroses, dins una lenga a l’encòp sòbra e rica de colors, d’expressions e de biais de dire priondament occitans (nòrd-lengadocian)». Per ajudar los començaires, i a un lexique occitan-francés.

Revista de premsa : lo reviscòl de l'occitan fa parlar

Legissi d'articles plan interessants dins dos jornals d'uèi a prepaus de la dinamica de l'ensenhament de l'occitan dins l'academia de Tolosa, de la politica lingüistica de Miègjorn Pirinèus e de la practica vertadièra de la lenga dins la region. Una estaditica me truca : i a 46.000 escolans que seguìsson de corses d'occitan sonque dins l'academia de Tolosa. Aquò's una brava nòva. Vaicí los ligams de los articles :

• La langue occitane gagne du terrain dans les écoles (20 Minutes)
• L'occitan, c'est tendance (La Dépêche du Midi) 

Temps de Nadal a l'Ostal Sirventès de Carcassona

Ongan encara, l’Institut d’estudis occitans d’Aude celebra Nadal en organisar Temps de Nadal a Carcassona del 12 de decembre al 9 de genièr 2010. La manifestacion se dobrirà lo dissabte 12 per un concèrt del Duò nadalenc (a 17 oras a Nòstra Dòna de l’Abadià), seguit per l’estrena a l’Ostal Sirventès d’una mòstra de fotografias sus la manifestacion Anem Oc ! 2009 (dissabte 12 a 18 oras e mièja), que contunharà fins al 19. Lo dimecres 16 a 18 oras e mièja i aurà una lectura de tèxtes e cants de Nadal, Paraulas de Nadal, per Mirelha Braç, tanben a l’Ostal Sirventès. Autra lectura, lo dijous 17 a 18 oras e mièja : La serena de Nadal, tèxtes de literatura pels dròlles al Ostal Sirventès. La fèsta s'acabarà coma se deù amb la fogassa de los Reis, dissabte 9 de genièr a 17 oras a l'Ostal.

• Entresenhas : Ostal Sirventès, 79, la Trivala, BP 105, 11022 Carcassona Cedex (04.68.25.19.78 ; [email protected]).

Note en français, cliquez ci-dessous.

Mozilla cerca de volontaris per manténer Firefox en occitan

Mozilla a besonh d'ajuda per passar a la version 3.6 del navegador Internet Firefox en occitan. Vaicì la crida de Pascal Chevert :  

«Nous sommes à la recherche de volontaires supplémentaires pour maintenir Firefox en langue occitane. Actuellement nous avons une version officielle de Firefox 3.5 en occitan, mais l'état actuel de la traduction (tant au niveau du logiciel que des pages web associées) ne permet pas d'affirmer qu'on fera une version 3.6 et s'agissant d'une langue rare, les volontaires ne sont pas légion.

Si vous maîtrisez l'occitan et voulez aider à maintenir Firefox dans cette langue, vous pouvez m'envoyer un message ([email protected]) ou bien laisser un commentaire ici.

Nous avons actuellement un traducteur, l'idée serait d'en avoir un deuxième voire un troisième, pour que si le traducteur principal n'est pas disponible à l'approche d'une nouvelle version, un de ses pairs puissent le remplacer.»

Rescontre amb l’escrivan e musician lemosin Jan dau Melhau a l’Ostal d’Occitània de Tolosa

L’editor de Tolosa Letras d’Oc a convidat Jan dau Malhau, musicaire, cantaire, editor, polemista e poèta lemosin a legir de tèxtes sieus doman a l’Ostal d’Occitània de Tolosa dins l’encastre del cicle de rescontres amb d’escivans occitans Paraula viva. Letras d’Oc (qu’es pas son editor, o cal precisar) porgís atal l’escrivan nascut en 1948 a Lemòtges : 

«ua de las caras las mei originaus de la scèna e de la literatura occitanas de uei. Pr'amor que sap har cantar la lenga, que sap anar au mei pregond, que sap cridar quan cau e har deu son calam ua arma de vertat.»

La màger part de son òbra es editada çò de Las edicions dau chamin de Sent Jaume. Un un gotet amistós seguirà la lectura.

• Dijòus 3 de decembre a 18 oras e mièja a l’Ostal d’Occitania, 11 carrièra Malcosinat, 31000 Tolosa ([email protected] ; 05.61.22.13.31)

Jornada de convivéncia en omenatge a la montanha occitana

La Chambra d’Oc organisa una jornada d’omenatge a la montanha occitana lo dissabte 5 de decembre. Es lo tresen an consecutiu que l’associacion de defensa e de desvolopament de l’occitan dins las valadas occitanas d’Italià balha rendètz-vos per festejar altorn de la cultura d’òc. Se debanarà a la sala de la provincia de Coni (Cuneo). 

Vaicí lo program :

• 16 oras : presentacion de la mòstra, de l’enquèsta e del filmat de Maurizio Dematteis e Davide Casali Vivem un novèl país : migrants dins las tèrras autas
• 17 oras : projeccion fotogràfica de Daniele Landra e filmat d’Elisa Nicoli dedicats a la manifestacion «Anem! Òc ! per la lenga occitana» que se debanèt a Carcassona lo 24 d’octobre.
• 18 oras : Elisa Nicoli, ja autritz del film En viatge : chaminada en Occitània da Vinai a Vielha, presentarà en anteprima lo film sus las valadas occitanas, fruch del trabalh fach en occasion de la traversada del 2009 Las Valadas Occitanas a pè.
• 19 oras e mièja : cassa-crosta amb los produchs de la Chambra d'Oc.
• 21 oras : espectacle del grop Aire de Prima.