Vaquí un comunicat del Centre de formacion professionala occitan :
«Lo Centre de Formacion Professionala Occitan prepausa una formacion pre qualificanta que dobrís sus un emplec demercé l'occitan. En partenariat amb la Region Lengadòc e Rosselhon, lo CFPO vos prepausa de seguir dins l'encastre del Programa d'Accion Preparatòri a l'Insercion pre-qualificacion l'accion de formacion : "Preparacion als mestièrs de l'animacion culturala occitana e apprendissatge de l'occitan modèrne".
Sètz demandaire d'emplec, jove de 16 a 25 ans, beneficiari dels minimas socials... e marcat à l'ANPE e desiratz trapar un emplec dins un sector en plen espandiment. Vos desiratz orientar o vos tornar orientar dins un mestièr ligat a la lenga e a la cultura occitanas, sètz motivat per aprene aquesta lenga...
La Region Lengadòc e Rosselhon pren en carga, dins l'encastre del Programa API, la mesa en òbra d'aquesta accion de formacion.
Acamp d'informacion collectiva : Dijòus 10 de decembre de 2009 a 10h00 Pòl de formacion occitan – Salas d'APRENE - Ostal de la Vida Associativa – 15 carrièra General Margueritte – 34500 Besièrs.
Per mai d'entresenhas, sonatz lo 04.67.28.75.36 o mandatz un corrièr electronic amb vòstras coordenadas a [email protected].»
Commentaires