L’Ostal del libre d’Orlhac (Cantal) acaba de publicar dins
la colleccion Racontes Las Vaissas avian folhat, un roman en occitan de Fèliç
Daval professor e escrivan originari del Carladès. Aquò’s la seguida de son
primièr libre, Les fraisses èran tombats, cronica d’un vilatge de la montanha
cantalesa pareguda çò del meteis editor. Vaicí lo porgiment que ne fa L’Ostal
del libre : «un raconte polifonique, ont los dialògues son nombroses, dins
una lenga a l’encòp sòbra e rica de colors, d’expressions e de biais de dire
priondament occitans (nòrd-lengadocian)». Per ajudar los començaires, i a un
lexique occitan-francés.
Lo libre de 226 paginas a recebut lo sosten del Conselh
regional d’Auvernha e del Conselh general del Cantal. Es vendut 13 euròs fins
al 31 de decembre (lo prètz serà 14,50 euròs aprèp lo 1 de genièr). L’autor o dedicarà dissabte 12 de decembre a 14 oras
e mièja a la sala multiactivitats de Polminhac (Cantal).
Téléchargement Commande%20Vaissas%20particuliers
Commentaires