L'Escòla occitana d'ivèrn, vacanças estudiosas al pè del Pirenèu

Volètz melhorar vòstra coneissença de la lenga occitana, mas tanben de totes los aspèctes de la cultura (istòria, musica, dança...), dins un ambient convivial ? L'Escòla occitana d'ivèrn aculhirà sos escolans a Foish (Arièja) del 22 al 26 febrièr e prepausa de vacanças estudiosas al pè del Pirenèu. Aqueste estagi de cinc jorns mescla corses de lenga, conferéncias, talhièrs de cant e de dança, temps de convèrsa, balètis, serada de contes… Prepausa tanben una visita del castèl de Montsegur o a la tria una vesprada liura a la néu. Un programa fòrça dens e atractiu.

• Del 22 al 26 de febrièr de 2010.
• L'estagi complèt (albergament, restauracion, corses e espectacles) se debana al Centre Léo Lagrange. Se troba al mitan de la ciutat comtala, al pè del Ròc de Foish. Manjar tradicional. Cambras de 2, 3 o 4 personas equipadas de sala d'aiga e docha.
• Tarifas (la setmana tot comprés) : pels liceans, estudiants, caumaires 225€, pels autres 250€.
• Data limita d'incripcion al 15 de febrièr de 2010.
• Entre-senhas : 05.53.41.32.43.