Resson d'Oc

Las Ivernalas de Cabardés aquesta fin de setmana a Puègnautièr e Argon (Aude)

 La setmana que se dobrís doman serà marcada per las Ivernalas de Cabardés, a Puègnautièr (Pennautier) e Argon (Aragon), dins lo departament d'Aude. Aqueste festenal organisat per l'Institut d'estudis occitans d'Aude se debanarà del dimecres 27 de genièr al dissabte 30. Al programa, d'espectacles, una conferéncia e plan segur, l'eveniment magèr de la setmana que ven, la fèsta granda de la lenga, la dictada.

Entre-senhas : IEO d'Aude (04.68.25.19.78 ; [email protected]).

Setmana occitana de la comunitat de comunas del pèmont d'Alaric a Capendu (Aude)

La comunitat de comunas del pèmont d'Alaric, dins lo despartament d'Aude, prepausa una setmana occitana del 12 al 15 de genièr. Se debanarà a Capendu, dins la sala Le Chai. Vaquì lo programa :

• Dimars 12 (20 o 30) : conferència espectacle Los Orients d'Occitània, amb l'escrivan Alem Surre Garcia, Martina de Peira, cantaira, e Bouchaïb Ezzerki, musician (8 euròs).
• Dimecres 13 (16 o) : gostar contat amb Jean-Jacques Delpoux (gratis).
• Dijòus 14 (20 o) : Peiras vivas, lectura a doas votz de Michel Boucaut e Claude Marti
• Divendres 15 (21 o) : concèrt de Joanda (8 euròs).

Entresenhas : Le Chai - Espace Culturel de Piémont d'Alaric 63, av. des Anciens Combattants, 11700 Capendu (04.68.79.73.98 ; [email protected]).

Traduction française dans la suite de la note.

Las Trad'hivernales de Sommières (30), un festenal per començar l'annada en dançar

Los 15 e 16 de genièr, l'associacion Coriandre organisa las 11nas Trad'hivernales, lo rendètz-vos annadier de las danças tradicionalas de Sommières (30). La màger part del festenal tòca la cultura occitana mas l'eveniment es dobert sul mond e fa descobrir danças de fòrça paises. Lo programa prepausa de balètis, plan segur, mas tanben de concèrts, de talhièrs de dança e de cant. Demest los occitans, se podràn escotar Moussu T e lei Jovents, Guillaume Lopez en Companha o encara Trigomigo, un grop de la Val Varacha (Italia). Traparètz lo programa complet dins la seguida d'aqueste article.

Dimenjada de fèsta per los trenta ans de La Talvera

L’associacion Cordae/La Talvera foguèt creada en octòbre de 1979 a Còrdas (Tarn), fa tot-bèl-just trenta ans. Dempuèi son espelisson, aqueste Centre occitan de recèrca, de documentacion e d’animacion ethnograficas (çò que vòl dire Cordae) òbra a la conservacion e a la difusion del patrimòni cultural occitan, en publicar de libres e de discs, en organisar de mòstras, de collòcs, d’estagis… Trenta ans, o calià celebrar ! Aquo’s perque l’associacion balha rendètz vos a sos amics del 18 al 20 decembre per una dimenjada de fèsta a Castelnau de Montmirail e Lo Garric (Tarn). Velhada, concèrts (Lo Còr de la Plana, Moussu T e lei Jovents, La Talvera, Lambrusquèra…), taula redonda, mòstra, lo program est plan ric e festiu. Bon aniversari La Talvera !

Program complet dins la seguida d'aqueste article.

Ivèrn'Oc, una debuta d'ivèrn calda a Sent Africa (Avairon)

Divendres 11 de decembre, l'associacion Cap l'Oc e la comuna de Sent Africa (Avairon) prepausan de dintrar dins l'ivèrn d'un biais dels explosius ! La nuèch Ivèrn'Oc acamparà tres grops del jòve empont occitan dins la sala de fèstas de Sent Africa. La serada se dobrirà a 20 oras e mièja amb Brick a Drac, lo grop «Turbofòlk», del nom de son primièr album qu'acaba de paréisser. Puèi Goulamas'k, los «Nerviós Trobadors», los remplaçaràn sus l'empont. La serada s'acabarà amb Enlòc un brieu de rock punk occitan. Vaquí una debuta d'ivèrn calda !

Podètz veire e escotar çai-jós un pichon extrach de Goulamas'k, trapat sus Daily Motion.

 

GOULAMAS'K Féria 2009
envoyé par lacrouze. - Clip, interview et concert.

Temps de Nadal a l'Ostal Sirventès de Carcassona

Ongan encara, l’Institut d’estudis occitans d’Aude celebra Nadal en organisar Temps de Nadal a Carcassona del 12 de decembre al 9 de genièr 2010. La manifestacion se dobrirà lo dissabte 12 per un concèrt del Duò nadalenc (a 17 oras a Nòstra Dòna de l’Abadià), seguit per l’estrena a l’Ostal Sirventès d’una mòstra de fotografias sus la manifestacion Anem Oc ! 2009 (dissabte 12 a 18 oras e mièja), que contunharà fins al 19. Lo dimecres 16 a 18 oras e mièja i aurà una lectura de tèxtes e cants de Nadal, Paraulas de Nadal, per Mirelha Braç, tanben a l’Ostal Sirventès. Autra lectura, lo dijous 17 a 18 oras e mièja : La serena de Nadal, tèxtes de literatura pels dròlles al Ostal Sirventès. La fèsta s'acabarà coma se deù amb la fogassa de los Reis, dissabte 9 de genièr a 17 oras a l'Ostal.

• Entresenhas : Ostal Sirventès, 79, la Trivala, BP 105, 11022 Carcassona Cedex (04.68.25.19.78 ; [email protected]).

Note en français, cliquez ci-dessous.

«Lo viatge de Monsur Perrichon», una adaptacion de Labiche en gascon dissabte 5 de decembre a Dacs

 Lo teatre L’Atrium de Dacs (Lanas) acuhlirà dissabte que ven 5 de decembre un vèspre en gascon amb una adaptacion de Eugène Labiche, Lo viatge de Monsur Perrichon, interpretada per Los Comelodians, la tropa del fogar d’animacion populara de Saut de Navalhas (64). Marie-Jo Hustaix-Etcheverry a traspausat l’istòria a Pau e dins los Pirenèus en 1905, ont la familha borgesa del Senhèr Perrichon descobrís las sensacion de l’esquí. L’empontatge es d’Alan Munoz. La comedia, plan visuala, es comprenedissa per los que parlan pas plan la lenga. De tot biais, aquesta pèça es una escasença agradiva de l’ausir e de la practicar.

• Dissabte 5 de decembre, Atrium de Dacs, 16 oras e mièja. Espectacle prepausat per l’associacion «Café gascon de Dax». Prètz : 10 euròs.
• Entresenhas : [email protected]

Traduction française dans la suite de la note

Fèsta del conte a Orlhac (Cantal) duscas al 29 de novembre

Las 29^enas Rapatonas (program complet aicí), la fèsta del conte occitan, se debanan a Orlhac (Cantal) fins al 29 de novembre. Aqueste festenal recampa contaires occitans, plan segur, mas tanben d’autras culturas. De marcar, la companhiá Cantalàs que jogarà son espectacle La Mau Maridada dissabte 28 de novembre a 17 oras al teatre d’Orlhac (pèça que jogaran tanben divendres 27 de novembre a 21 oras a La Primaube (prèp de Rodès en Avairon). Tanben de marcar, lo slamaire mondin Lou Davi clausarà lo festenal dimenge 29 a 16 oras e mièja.

• Tarifa : de 5 a 10 euròs, 16 euròs per una serada de 2 espectacles.
• Entresenhas : IEO Cantal (04.71.48.93.87 ; [email protected]).

La Mal Coiffée, Du Bartàs e Laurent Cavalié balhan un concèrt comun lo 28 de novembre a Alairac (11)

Los artistas del editor de disques Sirventès s'amassaran en un concèrt comun lo 28 de novembre a Alairac (11) entà celebrar la sortida de lors tres albums (ne parlarai lèu). La serada començarà amb un solò de Laurent Cavalié, puèi los dos autres Du Bartàs (fotò) lo retrobaran e la fèsta s'acabarà amb las polifonias de la Mal Coiffée. Una escasença de las polidas de (tornar) descobrir aquestes cantaires que renovelan amb talent e estrambòrd lo cant tradicional.

• Dissabte 28 de novembre al fogal d'Alairac (11), 20 oras e mièja. Dintrada : 10 euròs (7 euròs reduch). Se pòt pas reservar.

Texte en français dans la suite de la note

Festenal occitan aquesta fin de setmana a Pamias (09)

L'association La Lauseta et l'Institut d'estudis occitans de l'Ariège organisent leur Festenal occitan à Pamiers (Ariège) les 20, 21 et 22 novembre. Au programme : conte musical, concerts, notamment avec Eric Fraj et le groupe Tric Trac, conférence de Claude Alranq sur la croisade des Albigeois et repas musical. Renseignements et réservation auprès de l'Ostal occitan d'Arièja (05.61.69.60.96 ; [email protected]). Programme complet dans la suite de la note. Parallèlement, la médiathèque de Pamiers accueille jusqu'au 27 novembre l'exposition «150 ans de literatura d'expression occitana dins Arièja (1800-1950)», organisée par l'IEO, autour de la vie et l'oeuvre de grandes figures comme Prosper Estieu ou Joseph Salvat.