Las Ivernalas de Cabardés aquesta fin de setmana a Puègnautièr e Argon (Aude)

 La setmana que se dobrís doman serà marcada per las Ivernalas de Cabardés, a Puègnautièr (Pennautier) e Argon (Aragon), dins lo departament d'Aude. Aqueste festenal organisat per l'Institut d'estudis occitans d'Aude se debanarà del dimecres 27 de genièr al dissabte 30. Al programa, d'espectacles, una conferéncia e plan segur, l'eveniment magèr de la setmana que ven, la fèsta granda de la lenga, la dictada.

Entre-senhas : IEO d'Aude (04.68.25.19.78 ; [email protected]).

Vaquí lo programa complet :

• Dimecres 27 de genièr : a 18o30, al teatre Na Loba de Puègnautièr, Patapim Patapam !, de Jean-Louis Blénet, una pèça que conta la paur dins l'imaginari occitan, amb la companhià TIO/La Rampe.
• Divendres 29 : a 18o30 a Argon, al ostal del Cabardés, conferéncia de Miquéla Stenta sus Larguesa, una etica dels trobadors.
• Dissabte 30 : a Puègnautièr, a 15 oras, dictada occitana, a 16o30, primièra projeccion publica del DVD-documentari de Sofia Jacques (realizacion : Estefan Valentin) consacrat a la bodega de la Montanha Negra : La bodega, buf de vida ; a 18o30, concèrt de cants de trobadors amb Jan dau Melhau.