Resson d'Oc

Encara un concors d'escritura en gascon

Dins l’encastre de sa politica lingüistica de desvolopament del gascon, lo Conselh general de Pirenèus Nauts (65) organisa lo 18en concors bigordan d’expression gascona, que son tèma es «A noste en Euròpa».

Aquesta iniciativa vòl encoratjar l’escritura en occitan a travèrs la creacion d’òbras ineditas o la transcripcion de contes, legendas o anècdotas transmetuts de costuma oralament. Lo concors es dobèrt a totes sens cap restriccion. La remesa de los prètz se debanarà al mes de junh. Los tèxtes en gascon son de mandar abans lo 2 d’abrial de 2010 a l’adreça seguenta : Detz-e-Ueitau Concors Bigordan d’Expression Gascona, 6 rue Gaston-Manent B.P.1324, 65 013 Tarbes Cedex 9

• Entre-senhas e reglament alprèp de Bernard Dubarry : [email protected].

Signatura d'una convencion sus la lengas regionalas entre la region Lengadòc Rosselhon e lo rectorat de Montpelhièr

Aprèp Miègjorn Pireneus a la debuta del mes, la region Lengadòc Rosselhon e lo rectorat signeron lo 14 de decembre una convencion per desvolopar e organisar mai l’ensenhament de l’occitan e del catalan dins l’academia de Montpelhièr.

Se tracha de :

• melhorar l’oferta d’aquestas lengas dins l’ensenhament tant public coma privat, de la mairela fins a la terminala,
• coordenar las accions d’informacion de las familhas, d’edicion e d’animacion pedagogics,
• elaborar una esquema de desvolopament dins l’an que ven.

Traduction française dans la suite de la note.

Dimenjada de fèsta per los trenta ans de La Talvera

L’associacion Cordae/La Talvera foguèt creada en octòbre de 1979 a Còrdas (Tarn), fa tot-bèl-just trenta ans. Dempuèi son espelisson, aqueste Centre occitan de recèrca, de documentacion e d’animacion ethnograficas (çò que vòl dire Cordae) òbra a la conservacion e a la difusion del patrimòni cultural occitan, en publicar de libres e de discs, en organisar de mòstras, de collòcs, d’estagis… Trenta ans, o calià celebrar ! Aquo’s perque l’associacion balha rendètz vos a sos amics del 18 al 20 decembre per una dimenjada de fèsta a Castelnau de Montmirail e Lo Garric (Tarn). Velhada, concèrts (Lo Còr de la Plana, Moussu T e lei Jovents, La Talvera, Lambrusquèra…), taula redonda, mòstra, lo program est plan ric e festiu. Bon aniversari La Talvera !

Program complet dins la seguida d'aqueste article.

Temps de Nadal a l'Ostal Sirventès de Carcassona

Ongan encara, l’Institut d’estudis occitans d’Aude celebra Nadal en organisar Temps de Nadal a Carcassona del 12 de decembre al 9 de genièr 2010. La manifestacion se dobrirà lo dissabte 12 per un concèrt del Duò nadalenc (a 17 oras a Nòstra Dòna de l’Abadià), seguit per l’estrena a l’Ostal Sirventès d’una mòstra de fotografias sus la manifestacion Anem Oc ! 2009 (dissabte 12 a 18 oras e mièja), que contunharà fins al 19. Lo dimecres 16 a 18 oras e mièja i aurà una lectura de tèxtes e cants de Nadal, Paraulas de Nadal, per Mirelha Braç, tanben a l’Ostal Sirventès. Autra lectura, lo dijous 17 a 18 oras e mièja : La serena de Nadal, tèxtes de literatura pels dròlles al Ostal Sirventès. La fèsta s'acabarà coma se deù amb la fogassa de los Reis, dissabte 9 de genièr a 17 oras a l'Ostal.

• Entresenhas : Ostal Sirventès, 79, la Trivala, BP 105, 11022 Carcassona Cedex (04.68.25.19.78 ; [email protected]).

Note en français, cliquez ci-dessous.

Mozilla cerca de volontaris per manténer Firefox en occitan

Mozilla a besonh d'ajuda per passar a la version 3.6 del navegador Internet Firefox en occitan. Vaicì la crida de Pascal Chevert :  

«Nous sommes à la recherche de volontaires supplémentaires pour maintenir Firefox en langue occitane. Actuellement nous avons une version officielle de Firefox 3.5 en occitan, mais l'état actuel de la traduction (tant au niveau du logiciel que des pages web associées) ne permet pas d'affirmer qu'on fera une version 3.6 et s'agissant d'une langue rare, les volontaires ne sont pas légion.

Si vous maîtrisez l'occitan et voulez aider à maintenir Firefox dans cette langue, vous pouvez m'envoyer un message ([email protected]) ou bien laisser un commentaire ici.

Nous avons actuellement un traducteur, l'idée serait d'en avoir un deuxième voire un troisième, pour que si le traducteur principal n'est pas disponible à l'approche d'une nouvelle version, un de ses pairs puissent le remplacer.»

Un reportatge fotografic sus la manifestacion de Carcassona 2009

Vaquì un diaporamà consacrat a la manifestacion del 24 d'octobre a Carcassona entà promoùre las lengas d'òc e demandar una television en occitan, que recampèt entre 20.000 e 25.000 personas. L'ai trapat sus Youtube, es ilustrat amb la cançon de Nadau Mossur lo regent.

Una academia de la lenga entà assegurar a l'encòp l'unitat e la diversitat de l'occitan

A l’iniciativa de l’Institut d’estudis occitans e del Conselh general d’Aran, una Academia de la lenga occitana es estada lançada dimenge passat 25 de mai a Vielha, la capitala de la Val d’Aran. Aquesta institucion novèla «vòl estre una autoritat de regulacion de la lenga occitana en tot respectar la soa unitat e la soa diversitat, amb la participacion de l’ensem de las institucions lingüisticas e de las institucions politicas dels territòris de la lenga d’òc», segon David Grosclaude, lo president de l’IEO. L’Academia obrarà a la codificacion ortografica de la lenga e trabalharà dins los domènis de la grafia, de la gramatica, de la lexicologia e de la toponímia. Recamparà 50 membres (lo Conselh plenari), representants de las regions occitanas de França, d’Itàlia e d’Espanha e de divèrses sectors d’activitat : ensenhament, edicion, mediàs, recèrca, creacion artistica e literària.

Article en français, cliquez ci-dessous.

Las lengas regionalas dins la Constitucion : que ne pensatz ?, vos demanda France Info

La sola lenga de la Rebublica demora lo francés (article 2), plan segur, mas dempuèi ièr, França reconeis l'eisistença de las lengas regionalas dins sa Constitucion (article 1). L'Assembada nacionala a votat a la casi unanimetat una esmendança dins l'encastre de la reforma de las institucions redigit atal:

«Las lengas regionalas perténon al patrimòni de la Nacion.»

Lo govèrn a s'es declarat favoriu a aquesta esmendança, mas contunha de refutar la ratificacion de la Carta europèa de las Lengas regionalas. La radiò France Info a dobèrt aqueste matin un debat sus aqueste tèma sus son siti Internet, al qual sètz convidats de participar.

Article en français, cliquez ci-dessous.

Lo govèrn refuta la ratificacion de la Carta europea mas promet una lei

Dimecres passat 7 de mai se debanèt a l'Assemblada nacionala un debàt sens vòte sus las lengas regionalas — dins l'indiferéncia generala de la clasa politica e dels mediàs, cal confessar. La ministra de Justicia, Rachida Dati, l'avià promes en genièr quora l'Assemblada ratifiquèt lo novèl tractat europeu. Atal que se podià pensar, lo govèrn, per la votz de Christine Albanel, ministra de Cultura, anoncèt que ratificarià pas la Carta europea de las lengas regionalas, "contraria a nostres principis". En cambi, prometèt un "tèxte de lei", entà dessenhar "un encastre de referença" per "dobrir un espaci d'expression mai larg" a las lengas regionalas. Veirem ben.

Téléchargement debat_assemblee.pdf

Article en français, cliquez ci-dessous.

Los forums occitans s'espandisson sul oèb

Ja avèm parlat mai d'un còp del forum Occitania !, plan actiu e convivial, amb 135 membres marcats e mai de 5800 messatges mandats. S'i parla de totes los subjèctes que concernon la lenga e la cultura d'òc. Es pas solet que i a tanben lo forum d'Occitania.org, de la val d'Aran, amb 81 sòcis e gaireben 2000 messatges. I a encara lo del collectiu d'associacions tolosanas Convergencia occitana. Senhalem par acabar lo forum d'Ossau.net qu'acuhlis una seccion en bearnés, amb 1085 sòcis. Lo siti es especialisat sus la val d'Aussau, mas sul forum las discutidas son mai generalas. Una lista de completar...

Article en français, cliquez ci-dessous.