Resson d'Oc

La Mal Coiffée, Du Bartàs e Laurent Cavalié balhan un concèrt comun lo 28 de novembre a Alairac (11)

Los artistas del editor de disques Sirventès s'amassaran en un concèrt comun lo 28 de novembre a Alairac (11) entà celebrar la sortida de lors tres albums (ne parlarai lèu). La serada començarà amb un solò de Laurent Cavalié, puèi los dos autres Du Bartàs (fotò) lo retrobaran e la fèsta s'acabarà amb las polifonias de la Mal Coiffée. Una escasença de las polidas de (tornar) descobrir aquestes cantaires que renovelan amb talent e estrambòrd lo cant tradicional.

• Dissabte 28 de novembre al fogal d'Alairac (11), 20 oras e mièja. Dintrada : 10 euròs (7 euròs reduch). Se pòt pas reservar.

Texte en français dans la suite de la note

Canta se gausas !, una serada de desfís vocals altorn del cant pirenenc a La Seuva (64) dissabte

Bonne soirée en perspective samedi 21 novembre à Lasseube (64). La ville béarnaise accueille à la salle polyvalente Canta se gausas ! («Chante si tu oses»), une soirée de défis en chansons. Des trios tirés au sort (femmes, hommes ou mixtes) choisissent un chant issu du répertoire traditionnel pyrénéen (en occitan ou en français) à deux ou trois voix et doivent l'interpréter sans aide écrite. Inscription à 19h30 ; à 20h30 tirage au sort public des trios ; début du concours à 21h30.

La soirée sera précédée d'un concert à 18h30 avec les enfants des classes bilingues de Lasseube et d'un apéritif en musique à partir de 19h15. Une cantèra prolongera le défi à partir de minuit, qui se poursuivra tard dans la nuit. Entrée gratuite, restauration, buvette. Renseignements : [email protected].

Amb «A l'agacha», La Mal Coiffée torna inventar lo cant tradicional

Voilà l’album qui m’a donné envie de relancer ce blog. Je l'ai acheté hier soir. A l’agacha (« à l’affût »), le nouvel album de La Mal Coiffée sorti le 12 octobre chez Sirventés/l’Autre Distribution, donne un sacré coup de jeune aux chansons traditionnelles. La Mal Coiffée, c’est un sextuor de femmes, Myriam Boisserie, Hélène Arnaud, Karine Berny, Marie Coumes, Laetitia Dutech et Hélène Albisetti. Les voix au timbre minéral, le rythme, les percussions, les arrangements de Laurent Cavalié sur d’antiques mélodies, mais aussi les créations sur des textes de Claudi Alranq et Prosper Estieu, confèrent un accent des plus modernes au chant polyphonique. J'ai particulièrement aimé La Mitona et A la Sant Joan d'estiu. A découvrir d'urgence.

 

Nerviós Trobador, lo novèl disc de Goulamas'K, de crompar sul siti del grop

Lo grop Goulamas’K sortís un disc novèl, de crompar sus son siti Internet. Nerviós Trobador es lo CD de 5 títols de la virada de prima del grop. Los «trobadors rockers internacionalistes» de Besièrs prepausan una musica mestisada, un mescladis de ska rock, de reggae punk, amb d’acents tradicionals e un son de fanfara. Cantan en occitan, en francés, en catalan e en espanhòl una musica engatjada e afortida per festejar fins a la fin de la nuech.

Présentation en français, cliquez ci-dessous.

Festen'Òc, en Arièja Nauta, lo 28 de junh e del 11 al 13 de julhet

Lo vilatge de Saurat, dins Arièja Nauta, prèp de Tarascon, organiza dempuèi 2002 un festenal dedicat a la cultura occitana. Festen’Òc es partejat en dos temps : la primièra part serà dissabte que ven, lo 28 de junh, qu’es lo moment mai tradicional del festenal, amb son fuòc de la Sant Joan, de danças e un bal. L’autra part se debanarà del 11 al 13 de julhet. I aurà de concèrts, segur, amb La Mal Coiffée, Eric Fraj, Brick à Drac, L’Art à Tatouille, Lo Dalfin, un espectacle de l’umorista Padena… Senhalem tanben un salon del libre e del disc lo dimenge, una messa en occitan e un mercat.

• Entresenhas : [email protected]/05.61.05.67.19.

Téléchargement programme_festenoc.pdf

Article en français, cliquez ci-dessous.

Quatren Hestiv'Òc, a Pau, del 20 al 24 d'agost

Hestiv’Oc, lo festenal de las culturas e musicas del sud, se debanarà a Pau del 20 al 24 d’agost. Pendant quatre jorns, l’espectacle e la fèsta seràn pertot jol bèl cèl de Pau, sus cinc scènas e dins las carrièras de la vila. Concèrts, talhèrs de dança, cantèra de dobertura… 500 artistes e 40 animacions son programats. E tot aquò serà gratis.

Téléchargement Programme_hestivoc2008.pdf

Présentation en français, cliquez ci-dessous.

L'Estivada torna a Rodés del 21 al 26 de julhet

La veirina magèr de la cultura occitana, l’Estivada, torna a Rodés, en Avairon, del 21 al 26 de julhet. Dempuèi 1995, aqueste festenal recampa de creators e d’artistes dins totas las disciplinas de la cultura, davant un public cada an mai grand. Concèrts, dança, poesia, cinema, conferéncias n’i aurà per totes ! Los visitaires podran tanben visitar lo vilatge occitan qu’aculhirà los actors culturals (editors, mediàs, associacions, animacions). Totes los espectacles son gratis. Un rendètz-vous de mancar pas. Vaqui lo programa.

Téléchargement Programme_estivada_2008.pdf

Lo Festenal dels suds d'Arles consacra una jornada a la musica occitana lo 18 de julhet

Lo Festenal dels suds, en Arles, aculhís d’artistes del monde entièr dempuèi 1996. Ongan se debanarà del 13 al 20 de julhet e una jornada, lo 18 de julhet, serà consacrada a la musica e a la cultura occitanas. Lo public podrà ausir Lo Còr de la plana al Teatre antic (21 oras 30), Du Bartas a l’Ort d’estiu (11 oras 30) e plaça Paul Doumer (18 oras) e Les Cantaires de la Palun Longue. Alem Surre-Garcia balharà una conferéncia musicala sus «Los Orients d’Occitània» amb Martina de Peira. Los autres jorns, podretz escotar Le Chœur de La Roquette (lo 15 a 11 oras 30 plaça Paul Doumer e a 18 oras a l’Ort d’estiu), Familha Artus (lo 16 a 21 oras 30, Talhièrs SNCF), Sam Karpienia (17 de julhet, 21 oras 30, Teatre antic, primièra part de Goran Bregovic) e lo parelh Marquet-Bachevalier (20 de julhet, estanh dels vèrns, 18 oras). Cal pas doblidar, per acabar, un estagi de danças occitanas amb Marie Picard (del 15 al 18 de julhet, de 16 oras 30 a 18 oras 30).

• Entresenhas : [email protected]/04.90.96.06.27
  

Téléchargement Programme.pdf

Présentation en français, cliquez ci-dessous.

Voses occitanas, bascas e bretonas per festejar la Sant Joan en Carladés lo 27 de junh

Lo Carladés es un pichon país occitan a las bòlas de Cantal e d’Avairon, que son nom li balhèt lo vilatge de Carlat (15). Cada an dempuèi 2005, aqueste país festeja la Sant Joan d’un biais espectacular altorn del cant : passejadas cantadas, repais, concèrts, jòcs tradicionals, balètis, fuòcs… Ongan la manifestacion se debanarà lo divendres 27 de junh en Polminhac. Participaràn a la fèsta la cantaire basca Maddi Oihenart, los Bretons Pierre Guillard e Sylvain Girault e Voses de femnas, un grop de 15 antairitz amatritz qu’an trabalhat lo repertòri occitan e las cançons de trobadors amb Olivier Chabaud. La fèsta s’acabarà en danças altorn dels randals amb Traucaterme. Vaquí lo programa :

• 19 oras, arribada de la flamba ambe los cants dels escolans e des ancians de Polminhac
• 19 oras 30, repais cantat sus la plaça
• 21 oras 30, concèrts pels recantons del vilatge
• 23 oras, procession pagana de la Sant Joan
• 23 oras 30, embrasament pirotecnic del lac
• 23 oras 45, bal

Entresenhas : 04.71.47.50.68/ [email protected]

Présentation en français, cliquez ci-dessous.

Lo programa complet de Total Festum 2008, la fèsta de las culturas occitana e catalana en Lengadoc-Rosselhon (14-24 de junh)

Total Festum, la fèsta granda de las culturas occitana e catalana en Lengadoc-Rosselhon, se debanarà dins tota aquesta region del 14 al 24 de junh. Concerts, balètis, fuòcs, jòcs, taulejadas seràn tant de biais de celebrar la Sant Joan. Dins aqueste encastre se podrà ausir a Montpelhièr una creacion musicala de Laurent Audemard et Jakes Aymonino, Rasims de Luna, altorn de l’obra poètica de Max Rouquette, creada a l’escasença del centenari de sa naissença (19 de junh a 21 oras a l'Opéra Comédie de Montpelhièr).

Programa de telecargar çai-jós (l'ai trapat sul siti de la Felco, Federacion per l'Ensenhament de la Lenga e de la Cultura d'Oc). 

Téléchargement Total_Festum_2008.pdf

Article en français, cliquez ci-dessous.