Resson d'Oc

Mirèio, la Provençala mai celèbra, a la conquista de Paris los 8 e 9 d'abrial

Del poèma famós de Frédéric Mistral (prémi Nobel de literatura en 1904, lo cal pas jamai doblidar), Mirèio, escrich en 1859, Charles Gounod avià fach un operà en 1864, que Michel Carré n'avià escrich lo libret amb l'aprovament del meteis Mistral. E aqueste operà es vengut un balet en 2004 mercès a la compania Ballet d'Europe de Jean-Charles Gil e a la transcripcion musicala de Raoul Lay. D'aquí perqué lo public parisenc podrà descobrir, senon l'òbra de Mistral, almens son eroïna mai celèbra los 8 e 9 d'abrial al prestigiós Théâtre du Châtelet.

Article en français, cliquez ci-dessous.

Doas caras occitanas de la Resistència : la Setmana n° 656 fa lo lum sus un aspècte desconegut de Jean Moulin e Berty Albrecht

Lo setmanièr del 27 de març s'interessa tanben al raport de l’Onu sus la diversitat lingüistica. Vaquí lo somari :

• França deuriá tornar veire sa còpia, p. 2
• La presidéncia au mei vielh, p. 3
• Viure de l’occitan, es possible, p. 4
• Anem òc ! Endavant !, p. 5
• A l'òme ordinari, la Patria reconeissenta..., p. 6
• Berty Albrecht una femna dins la Resisténcia, pp. 7 e 8
• RPS e lo PNO sostenon los tibetans, p. 8
• «Escritura», rencontre del libre occitan, p. 10
• Los bèlgas an un govèrn, p. 12

Prètz : 1,5€ per numeró, 75,50€ l'abonament annal. L'editor n'es Vistedit.

Sommaire en français ci-dessous

Se lèva lo vent, lo novèl disc de Coriandre

Lo grop de musica «trad’actuala» Coriandre, originari de Sommières (Gard), a gravat son segond disc, «Se lèva lo vent», que sera distribuit en abrial per L’Autre Distribution, mas que ja se pòt crompar en escriure a [email protected]. Recampa 12 títols, que podètz n’escotar qualqu’unes sus l’espaci Myspace del grop  (La filha del prat e La Grava de Bordèu). Sus son siti Internet, Coriandre descriu son repertòri atal : «los pès en Occitània e lo cap dins los nivols, una musica especiada entà las aurelhas e los pès, amb mantunas influéncias». I traparetz tanben informacions de mai, coma lo calendièr dels concerts. Coriandre avià ja sortit un disc en 2005, La Marmita d'Oc (i a tanben d'estrachs sus Myspace).

Version française, cliquez ci-dessous

A fum cap a l'òc à Ferrals-Corbières del 22 al 25 d'abrial

Ferrals-Corbières, dins lo departament d'Aude, viurà a l'ora occitana en abrial. Del 23 al 25, lo Centre de formacion professionala occitan (CFPO) e l'Institut d'estudis occitans-Aude organizan un estagi Parlar altorn del tèma Vinhas e garrigas. Aquesta session d'aprendissatge de la lenga e de la cultura s'adreça tant a los començaires coma a los que parlan ja la lenga. Serà tanben l'escasença d'activitats culturalas e convivialas diversas : mòstra, espectacles, taulejadas, bals... Vos cal inscriure abans lo 15 d'abrial (vesètz çai-jós). Lo Programa PARLAR es una operacion que se realiza amb lo sosten financièr de la Region Lengadòc-Rosselhon, l’ajuda del ministèri de la Cultura e de la Comuncicacion e de la comuna de Montpelhièr. L’estagi de Ferrals a lo sosten del Conselh general d’Aude, del País Corbièras & Menerbés e de la Comunautat de Comunas de la Region de Lesinhan.

Communiqué et programme en français, cliquez ci-dessous

L'Eurovision de las lengas minoritarias cerca de candidats abans lo 1er de mai

Lo 18 d'octobre que ven, la vila suèca de Lulea aculhirà lo cinquen concors Liet-Lavlut de cançon en lengas minoritarias europeas, que clausarà un festenal de tres jorns (del 15 al 18 d'octobre) que i aurà tanben de conferencias (una sus lo desen aniversari de la carta de las lengas, organizada per lo Conselh d'Europa, autra sus las lengas minoritarias e la musica) e de concerts. I a encara quatre a sieis plaças per de grops que cantan de cançons originalas (aquò's pas un concors de cant tradicional). Los candidts devon mandar un CD abans lo 1er de mai. Traparètz  los detalhs de tots dins lo comunicat oficial çai-jos. La cantaire occitana Liza, que ja n'avèm parlat sus aqueste siti, avià ganhat lo primièr prèmi del public de la darrièra edicion, en 2006. Informacions : Birger Winsa, coordenatora del Liet-Lavlut, Rapsodivägen 48
S-142 41 Skogås, Suècia (00 46 (0)73 932 83 30 / 00 46 87 71 93 70 /[email protected]).

Communiqué officiel en français ci-dessous

Lo present del Conselh General d'Aran per la Jornada mondiala de la poesia

Uèi, coma cada 21 de març, òm celebra la jornada mondiala de la poesia, organizada per l'Unesco. Entà participar a aquesta fèsta universala, lo departament de Cultura e Politica lingüistica del Conselh General d'Aran a causit de nos far present, amb l'autorisacion dels autors, d'una seleccion de vint poèmas en occitan que son estats premiats en Prèmi Aran de literatura. Les podètz legir sul siti oèb del Conselh General.

Traduction française, cliquez ci-dessous

Eleccions municipalas e cantonalas : la Setmana n° 655 fa lo bilanç definitiu

Lo setmanièr del 20 de març s'interessa tanben a l'avenir de l'Estivada de Rodés aprèp lo cambiàment a la comuna. Vaquí lo somari :

• Occitan lenga de trabalh per la politica transpirenenca, p. 2
• Los britanics polemican sus la ciutadanetat, p. 3
• Censi s'en va, l'Estivada demòra, p. 4
• L’occitan serà present dins la Montanha Lemosina, p. 5
• Eleccions, pp. 6, 7 e 8
• Lo Liet Lavlut espèra los participants, p. 9
• Cinebrac a Ortès, p. 11
• Occitans e bretons trabalhan amassa, p. 12

Prètz : 1,5€ per numeró, 75,50€ l'abonament annal. L'editor n'es Vistedit.

Sommaire en français ci-dessous

Revisatz los rudiments de la lenga mercès al CRDP de Montpelhièr

Uèi senhalam un ligam indispensable entà los començaires e mai los que vòlon tornar aprene los rudiments de l'occitan. Lo CRDP de Montpelhièr prepausa sus son siti «Dire en òc», un metòd d’aprendissatge de la lenga elaborat en collaboracion amb l’Université Paul-Valéry.

Es partit en vint e cinc leiçons o unitats, amb de fichas gramaticalas, exercicis d’escota e de revirada, lectura de pichons tèxtes estrachs de Setembralas, de Joan Frederic Brun (IEO, 1994). L’avèm esprovat e nos agrada tant qu’anam seguir totas las unitats !

Pour lire cette note en français, cliquez ci-dessous

Eleccions municipalas e cantonalas : los resultas del Partit Occitan

I avià de candidats del Partit Occitan (autonomista) dins mantunas vilas e cantons per las eleccions municipalas e cantonalas de la dimenjada passada. Aquestes candidats eran presents per de listas d’union (subretot d’esquèrra mas tanben de dreta) que defendiàn la diversitat culturala e linguistica. Atal qu’aviam balhat la lista de los candidats, vaquí los resultas.

• Elegits conselhers municipals
  La Sanha de Mar (83) : Miquèu TOURNAN ; Aurenja (84) :  A.M. HAUTANT (1er torn) ; Ais de Provença (13) : Hervé GUERRERA ; Traussa-Menerbès (11) : J. F. SAISSET (1er torn) ; Sant Just de Viaur (12) : Josiana DAUNIS-MARTY (1er torn) ; Colombiés (12) : Patrick ALCOUFFE (1er torn) ; Sent Daunis-Catus (46) : Bernat RAFFY (1er torn) ; Gavaudun (47) : Pèire BOISSIERA (1er torn)

• Eleccions cantonalas (1er torn)
  Pena d'Agenés (47) : Ives BOISSIÈRA ; supleanta : Mathilde LACASSAGNE (sostenguts pels Verts) 10,6% ; La Vaur (81) :  Danièl RIFÀ ; supleanta : Benedicta PORTAL (sostenguts pels Verts) : 10,49% ; Vielmur (81) : Joan THOMAS ; supleanta Anna-Maria PUJÒL :7,51%

Article en français ci-dessous

Bartàs, la musica mestissada de Mauresca Fracas Dub

Aprèp Francament (2003) e Contèsta (2005), vaquí Bartàs. Lo grop de raggamuffin sound system occitan, o trobamuffin, Mauresca Fracas Dub sortirà son tresen album aqueste mes d’abrial : «quatòrte títols entà festejar, de tèxtes militants en occitan e en frances. Parlar d'aicí e dobrir la cultura occitana al monde». Los cinc musicaires montpelhierencs son dins la linha del ragga balèti inventat a Marselha, «luònh de la world-music-mercandisa e dau repleg identitari, dins la fèsta e l’esperit d’un grand carnaval sensa frontièras». Entà festejar la sortida de Bartàs, Mauresca Fracas Dub balharà un concert gratis lo 27 de març al Rockstore e Montpelhièr.