Lo dimenge 6 d'abrial, lo famòs vilatge del libre d'Aude, Montolieu, aculhirà la setzena edicion d'Escritura, lo grand mercat de l'escrit occitan, catalan e regional. Los visitors podran trapar libres de los editors seguents : IEO (Ideco, IEO-11), Adeo, Creo-Provença, Letras d'Oc, Le Moustier, CDDP-Sceren e Vent Terral. Tanben i aurà un mercat del terrador e un fum d'animacions divèrsas : musica, jòcs, conferéncias, mòstras (una que ja n'avèm parlat a prepaus del centenari de Max Rouquette, autra d'Anna Réby qu'a complit lo dessenh qu'illustra aqueste articolet) e per acabar una tasta de vin. Trobaretz çai-jos lo programa detalhat (que pòt i aver de modificacions)
ESCRITURA 2008
Lo dimenge 6 d’abril a Montoliu (Vilatge del libre d’Aude)
- De 10 h a 18 h : grand mercat del libre d’Òc, catalan e regional, mercat del terrador, animacion musicala amb la Fanfareta, Joguets d’Òc, jòcs de fusta per pichons e grands
- Mòstras : Gravat-pegat, d’Anna Réby (al Musèu del Vilatge del libre) ; Max Roqueta (al presbitèri) ; Jòrgi Gròs, lo dich e l’escrich (al Fogal)
- A 11 h, conferéncia : "Quina istòria !?", per Jòrdi Labouysse (autor d’"Histoire de France, L’imposture")
- A 14 h 30, lecturas per Miquèl Decòr : "Eiretièrs de la Luna"
- A 15 h 30, cants amb Laurenç Cavalièr
- A 17h30 : tasta de vin animada per Anna-Maria Andrieu (Cava Anne de Joyeuse)
E tanben :
— la mòstra d’Anna Réby serà presentada a comptar del 22 de març al Musèu.
— lo dimècres 2 d’abril, a 18h30, conferéncia-lectura de Rotland Pecot : "Las tradicions populàrias del Sud cò de Max Roqueta" e estrena de la mòstra (al Presbitèri) (Annada Max Roqueta).
Una jornada organizada per l’Institut d’Estudis Occitans-Aude amb lo concors de Montoliu, Vilatge del Libre e lo sosten del Conselh general d’Aude e del Conselh regional de Lengadòc-Rosselhon.
Commentaires