Resson d'Oc

L'Escòla occitana d'ivèrn, vacanças estudiosas al pè del Pirenèu

Volètz melhorar vòstra coneissença de la lenga occitana, mas tanben de totes los aspèctes de la cultura (istòria, musica, dança...), dins un ambient convivial ? L'Escòla occitana d'ivèrn aculhirà sos escolans a Foish (Arièja) del 22 al 26 febrièr e prepausa de vacanças estudiosas al pè del Pirenèu. Aqueste estagi de cinc jorns mescla corses de lenga, conferéncias, talhièrs de cant e de dança, temps de convèrsa, balètis, serada de contes… Prepausa tanben una visita del castèl de Montsegur o a la tria una vesprada liura a la néu. Un programa fòrça dens e atractiu.

Las Ivernalas de Cabardés aquesta fin de setmana a Puègnautièr e Argon (Aude)

 La setmana que se dobrís doman serà marcada per las Ivernalas de Cabardés, a Puègnautièr (Pennautier) e Argon (Aragon), dins lo departament d'Aude. Aqueste festenal organisat per l'Institut d'estudis occitans d'Aude se debanarà del dimecres 27 de genièr al dissabte 30. Al programa, d'espectacles, una conferéncia e plan segur, l'eveniment magèr de la setmana que ven, la fèsta granda de la lenga, la dictada.

Entre-senhas : IEO d'Aude (04.68.25.19.78 ; [email protected]).

Un còp de mai, la Dictada amassarà tota l'Occitània altorn de sa lenga lo 30 de genièr

 

Dempuèi mai de dètz ans (1998 per èsser mai just, la primièra session se debanèt a Castras), los amoroses de la lenga occitana dins totas sas variantas, que pàrlen plan o que pàrlen pas, jòves o vielhs, se retroban un còp l’an, al mès de genièr, per far una dictada. Amb lo temps, lo rendètz-vos s’es espandit dins totes los cantons d’Occitània fins a venir la fèsta granda de la lenga. L'edicion 2010 de la Dictada se debanarà lo dissabte 30 de genièr. I aura de sessions pertot, de Niça fins a Milhau e de Foish fins a Montalban e quite a Barcelona.

Un novèl quiz sus l'istòria occitana de jogar en linha

Aprèp la geografia, vos prepausi de respondre en linha
a dètz questions sus l'istòria dels païses occitans.
I a totjorn pas res de ganhar ! Sètz prèsts ?
Alavetz vos convidi a un pichon viatge dins nòstre passat
tan ric e apassionant. O traparètz dins la seguida
d'aqueste articolet.

Primièr prèmi de literatura pels jovents de l'IEO, tèxtes de mandar abans lo 28 de febrièr

L'Institut d'estudis occitans (IEO), «qu'a constatat la manca de novèlas o romans en occitan entà gojatas e gojats», organisa son primièr prèmi de literatura joinesa. Es dobèrt a totes, los autors devon escriure una òbra originala e inedita en occitan a destinacion de los joves de 10 a 16 ans, roman o novèla, redigida en grafia classica (ai pas vist de precision dialèctala dins lo reglament). Los tèxtes premiats seràn editats per l'IEO e lors autors recebran de 500 a 1500 euròs. La remesa de los prèmis se debanarà al mes de mai a l'escasença de l'amassada generala de l'IEO.

• Tèxtes de mandar abans lo 28 de febrièr 2010 a l'IEO, Ostal d'Occitània, 11 carrièra Malcosinat, 31000 Tolosa. Entre-senhas : [email protected].

Reglament complet dins la seguida d'aquel papieròt.

Lo karaoccitan contunha amb «Mossur lo regent», de Nadau

Nouvelle chanson pour le karaoccitan : «Mossur lo regent», de Nadau. Une protest song de 1975 aux accents dylaniens, en béarnais, plus que jamais d’actualité comme l’a rappelé la manifestation de Carcassonne à l’automne dernier. Elle est facile à apprendre et agréable à chanter ! Merci à LoOccitan qui l’a mise en ligne sur Youtube. Les Pyrénéens auront reconnu au premier coup d’œil le pic du Midi d’Ossau, familièrement surnommé le Jean-Pierre. Quant à Nadau, je signale qu’en bons Béarnais, ils vont conquérir une fois de plus Paris : leur concert du 24 avril à l’Olympia est d'ores et déjà complet !

Setmana occitana de la comunitat de comunas del pèmont d'Alaric a Capendu (Aude)

La comunitat de comunas del pèmont d'Alaric, dins lo despartament d'Aude, prepausa una setmana occitana del 12 al 15 de genièr. Se debanarà a Capendu, dins la sala Le Chai. Vaquì lo programa :

• Dimars 12 (20 o 30) : conferència espectacle Los Orients d'Occitània, amb l'escrivan Alem Surre Garcia, Martina de Peira, cantaira, e Bouchaïb Ezzerki, musician (8 euròs).
• Dimecres 13 (16 o) : gostar contat amb Jean-Jacques Delpoux (gratis).
• Dijòus 14 (20 o) : Peiras vivas, lectura a doas votz de Michel Boucaut e Claude Marti
• Divendres 15 (21 o) : concèrt de Joanda (8 euròs).

Entresenhas : Le Chai - Espace Culturel de Piémont d'Alaric 63, av. des Anciens Combattants, 11700 Capendu (04.68.79.73.98 ; [email protected]).

Traduction française dans la suite de la note.

Las Trad'hivernales de Sommières (30), un festenal per començar l'annada en dançar

Los 15 e 16 de genièr, l'associacion Coriandre organisa las 11nas Trad'hivernales, lo rendètz-vos annadier de las danças tradicionalas de Sommières (30). La màger part del festenal tòca la cultura occitana mas l'eveniment es dobert sul mond e fa descobrir danças de fòrça paises. Lo programa prepausa de balètis, plan segur, mas tanben de concèrts, de talhièrs de dança e de cant. Demest los occitans, se podràn escotar Moussu T e lei Jovents, Guillaume Lopez en Companha o encara Trigomigo, un grop de la Val Varacha (Italia). Traparètz lo programa complet dins la seguida d'aqueste article.