Negras trevanças, una epopèa d'Yves Robert de legir en linha

Cercatz un roman de legir per las vacanças ? En occitan e gratis ? La responsa es sul oèb. Yves Robert, un girondin amorós de la lenga occitana, bastís dempuèi 2005 una òbra literaria en linha, «Negras Trevanças». Es una tièra en tres epòcas, que la doas primièras, «Los marrits sòmis» e «Los pantaisses sagnosses» son de legir sul siti de l’autor. La tresena epòca, «Las cachavièlhas infernosas», es en cors d’escritura e deurià esser publicada sul siti abans la fin de l’annada. Segon l’autor, es un biais d’epopèa guerrièra, un «negre raconte a l’imatge de la negror del mond». Aquò's un brave trabalh d’escritura e d’edicion, força plan editat e agradiu de legir.

Article en français, cliquez ci-dessous.

Vous cherchez un roman à lire pendant les vacances ? En occitan et gratuit ? La réponse est sur le Web. Yves Robert, un Girondin amoreux de la langue occitane, bâtit depuis 2005 une oeuvre littéraire en ligne, «Negras Trevanças». C'est une série en trois parties, dont les deux premières, «Los marrits sòmis» et «Los pantaisses sagnosses» sont à lire sur le site de l’auteur. La troisième époque, «Las cachavièlhas infernosas», est en cours d’écriture e devrait être publiée sur le site avant la fin de l’année. L’auteur présente la série comme une sorte d'épopée guerrière, un «récit noir à l'image de la noirceur du monde». C'est un très beau travail d'écriture et d'édition, très bien édité et agréable à lire.

Comments

[Rédigé par : Yves Robert]

Es pas usual qu'un autor publicat sus la Tèla venga nasejar dins un espaci reservat als internautes que volon plan visitar lo sieu siti e ne dire çò que ne pensan. La rason n'es qu'aqueste jorn, de matin, Voila m'a mandat un corriel per me dire que lo mieu siti èra suspendut a rason d'un telecargament que lo pes diari autorizat èra estat trespassat ! S'i a una causa que me n'i atendia pas, aquò èra plan aquesta. Alavetz demandi als occitanistas totes qu'an visitat lo mieu siti e a totes los autres que poirian encara o far de registrar lo contengut de la mia seria romanècca " Negras trevanças " e lo tèxte dels tres romans que la compausan : " Los marrits sòmis ", " Los pantaisses sagnoses " e " Las cachavièlhas infernosas " de tal biais que lo monde d'òc interessat s'i pòsca referir per la lor entremesa se besonh n'èra e de pel malhum militant aqueste còp. Mercés plan per avança de m'autrejar aqueste biais de salvagarda per far cas de tot e dins aquesta espèra, adieusiatz plan totes. Yves Robert

[Rédigé par : Yves Robert]

Adieusiatz !
Atal coma anonciat, la tresena epòca de la seria romanesca " Negras trevanças " foguèt mesa en linha lo 17.10.2008 jol titol " Las cachavièlhas infernosas " sul siti http://ivesrobert.site.voila.fr que la consultacion n'es estada restablida ... pel moment.
Vos'n desiri brava lectura.
Amistats Yves Robert