Max Rouquette, que foguèt un escrivan màger del segle XX, desaparegut en 2005, aurià fach cent ans ongan. Aqueste aniversari serà festejat durant tota l'annada mercès a l'associacion Amistats Max Rouquette qu'organiza una seria d'eveniments a l'entorn de l'òbra del poèta : conferencias, exposicions, edicions novelas, espectacles... Resson d'Oc presentarà las manifestacions a mesura del desbanament del centenari. Uèi parlarèm de las tres mòstras previstas.
- Max Rouquette, l'enchanteur. Presentacion de l'òme, de l'escrivan e de l'òbra : testimoniatges, fotòs (Amistats Max Rouquette). A Montolieu (11) del 2 al 6 d'abriàl ; a Elne (66) del 25 al 31 d'abriàl ; a Montpelhièr en mai.
- Max Rouquette et les photographes. Fotò, tèxtes (Ville de Lodève). A Lodeva en junh e julhet.
- Paraulas del vent. Poesias illustradas amb de fotòs de Georges Souche e Sylvie Berger (Galerie Cardabelle). Del 23 de març al 7 d'abriàl a la bibliotèca de l'universitat Paul Valéry de Montpelhièr ; del 8 al 23 d'abriàl a la biblitèca Max Rouquette de Clermont l'Hérault.
Commentaires