Resson d'Oc

Eleccions municipalas : los candidats e lo programa del Partit Occitan

Los autonomistas occitans participon a las eleccions municipalas dels 9 e 16 de març que ven. Lo Partit Occitan nos a mandat la lista de la comunas ont presenta de candidats (que coneisson a l'ora d'ara), dins tota l'Occitània, que publicam çai-jos. Tanben trobaretz çai-jos las proposicions municipalas d'aqueste partit.

Téléchargement programa_municipal.pdf

Municipalas a Tolosa : los electors e los candidats convidats a debatre sus lo tèma occitan lo 15 de febrièr

Amb las eleccions municipalas del 9 de març, los amoròs de la lenga e de la cultura occitanas tenon una oportunitat unica de far ausir lor votz. Lo collectiu Convergéncia Occitana, que recampa las associacions tolosencas de l’Ostal d’Occitània, convida los candidats al Capitòli a un debat dobert a tot lo monde sus aqueste tèma lo divendres 15 de febrièr a la Sala del Senescal de 18h a 19h30.

Téléchargement Propositions_pour_culture_occitane_Toulouse.pdf

Las lengas de França en debat al salon Expolangues

Lo salon annal Expolangues se tenirà a Paris pòrta de Versailles del 6 al 9 de febrièr. Destinada a promòure l'ensenhament de las lengas, defendre lo plurilingüisme e encoratjar los escambis internacionals, la manifestacion s'adreça als professionals et al grand public. Amb aqueste salon, la Delegacion generala a la lenga francesa e a las lengas de França del ministèri de la Cultura organizarà una taula redonda lo divendres 8 de febrièr sus aqueste tèma : «Las lengas de França, situation e enjòcs». Vaquí la présentation que ne fa lo siti d'Expolangues.

Un guida preciòs per ajudar las comunas a desvolopar la senhalizacion bilingüa

Una question primordiala per lo reviscol de la practica de l'occitan es sa visibilitat dins la vida vidanta. Per las ciutats e las collectivitats localas, un biais fòrça aisit de melhorar aquesta visibilitat es de desvolopar una senhalisacion bilingüa. Sus aqueste tèma, l’Institut d’estudis occitans organizèt un congrès amb lo Centre de ressorgas occitanas e meridionalas al cap de l'an passat. Se tenguerèt a l’ostal del departament del Gèrs a Aush.

Primièr resultat concret d'aqueste congrès, l’IEO a publicat una brocadura per explicar a las comunas cossí podon desvolopar la senhalizacion bilingua segon çò qu’es de lor competéncia :

• Senhalizacion d’entrada e sortida d’aglomeracion

• Realizacion d’enquèstas toponimicas

• Placas de carrièras

• Sistematizacion de la senhalizacion bilingüa

• Senhalizacion direccionala dins lo perimètre de la comuna

• Coreccion dels noms de luòc occitans mal ortografiats

Aqueles punts son illustrats per d’exemples ja realizats. Se pòt telecargar lo libret sul siti de l'IEO.

Anats leu charrar sul forum Occitania !

Qui a dit que le régionalisme était un archaïsme ? Occitania, lo forum per ne'n parlar prouve le contraire. Un espace d'échange et de discussion sur Internet pour tous les Occitans qui souhaitent parler leur langue. Littérature, musique, cinéma médias, loisirs, gastronomie, actualité, tous les sujets sont traités. Le forum propose même des cours de langue dans tous les dialectes occitans.

Alors qu'il est difficile pour ceux qui parlent la langue de la pratiquer au quotidien, l'initiative est réjouissante. Pour l'heure, 3.500 messages ont été postés par la petite centaine de membres, mais le forum ne demande qu'à se développer. Anats leu i charrar !